الموضوع عبارة عن ازاى تلفت نظر بنت عجبتك معاك فى الجامعه او فى درس وعاوز تكلمها ومش عارف تعمل ايه

اقولك خليك ورايا وانت تكسب ان شاء الله يعنى احنا هنقولك ازاى نفتحلك طريق علشان تتكلم معاها

اول حاجه طبعاً لازم قبل ما تروح تكلم واحده تتأكد ان فيه قبول منها

يعنى تحس ان فيه احساس متبادل او اعجاب منها ليك او على الاقل تحس انها بتبصلك نظرات حلوه

بعد كدا تلبس احلي لبس عندك يعنى الحته اللى ع الحبل وترشلك شويه برفان بس يكون شديد ولو مش متاكد انو حلو مش لازم برفان قضيها آكس تمبتاشن الجديد اللى بالشكولا ده رهييييييب ولو مش عايز مش مشكله المهم شكلك يبقى حلو
وظابط شعرك كدا وريحه بوئك حلوه واكل كلورتس ولا حاجه

تانى حاجه بقى اول ما تشوفها

لو انت واقف مع اصحابك وهى واقفه مع اصحابها

تحاول تلفت نظرها بس فى سريه يعنى تلفت نظرها هى بس وهى اللى تكون شايفاك ولا صحابك شايفينك ولا اصحابها شايفينك هتقولي ازاى

هقولك تفضل باصصلها لحد ما تبصلك اول ما تبص تروح ضاحك ضحكه صغيره كدا ابتسم يعنى

هى هتشوفك بس هتدير وشها تفضل انت مركز عينك عليها مش تدير وشك خالص شويه وهتبصلك تانى تروح مبتسم تانى هتلاقيها بتهزر مع اصحابها وبتضحك ومبسوطه وشويه وتلاقيها بصتلك وشافتك وانت مركز معاها المره دى تبينلها سنانك بس مش تحسسها انك بتعمل اعلان سجنل تو لا بينها بابتسامه خفيفه بردو

هتروح قايله لحد من اصحابها ووقتها هتلاقى صاحبتها دى هتبصلك وتبتسم

تعرف يامعلم انك بكدا حصلت على اعجابها الاولي

بعدها بشويه لحد ما تكون ظبطت موضوع فى دماغك يعنى

تروح بكل هدوء كدا وتتكلم معاها براحه وتقولها اى حاجه عادى


لو هى معاك مثلا فى درس كليه جامعه اى حاجه

تحاول تكلمها فى اى حاجه متعلقه بيكو انتو الاتنين (ضروري يكون الموضوع اللى هتتكلم فيه يكون بعيد شويه عن انك معجب بيها دى مش عاوزين نقولهالها وش)

مثلاً لو سمحتى بعد اذنك انتى كتبتى المحاضره بتاعة النهارده

هترد تقولك اه

قولها طيب بعد اذنك ممكن انقلها

اوكى ماشى مثلا

قولها على فكره انتى عينونك حلوه اوى وضحكتك كمان احلي

هتقولك بكل عسل كدا ميرسي

وياسلام بقى لو انت دمك خفيف وبتعرف تقول آفيهات مضحكه تروح رازعها اى آفيه كدا بس يخليها تضحك

دا لو انت بتعرف تضحك

لو مش ليك فى الضحك مش تستظرف علشان البت مش تتخنق منك من اولها ههههههههههههه

طبعاً اللى انت هتعمله ده خطوات متتاليه متعلقه باللى قبلها

يعنى كل ده مش هينفع غير لما كل مره تحس منها بقبول

مش تلاقيها بتبصلك برخامه ومش طايقه كلام من حد وتروح تكلمها بردو

المهم والمفيد فى الموضوع

ان حتته انك هتقولها ايه دى بتتعلق بالموقف نفسه والمكان اللى انتو فيه

بس حاول على قد ما تقدر تفتح اى موضوع تحس انها هترد عليك فيه وكون حوار فى دماغك واقعد رد على نفسك كانها بترد عليك وشوف لو قولت كدا هى هتقولك ايه وهكذا

وحاول على قد ما تقدر تبقى خفيف فى كلامك ومش تقول اى حاجه تضايقها ولا تعمل اى حاجه تضايقها ولا تقلل من نفسك قدامها

خد على كلامى ده وان شاء الله تقدر توصلها

وروح يبنى وانت مكلمها